నీకెలా తెలుపను??

నిశ్శబ్ధ నీరవ నిశీధిలో,
చిరుదివ్వెపు వెలుగువై కనిపిస్తావని..


పున్నమి వెన్నెల తరంగాలలో,
వెల్లువలా వెలువెత్తుతావని..


వసంత మలయమారుతంలో,
మరుమల్లియలా మురిపిస్తావని..


చల్లని సంధ్యా సమయంలో,
సంగీతంలా వినిపిస్తావని..


అల్లన మెల్లన పిల్లగాలులలో,
ఊహాల ఊయలవై ఊపేస్తావని..


పరిమళించు సుమ సుగంధాలలో,
విరిసిన నీ ఊసులు పంపిస్తావని..
ఇలా.. నీకై వేయికన్నులతో వేచియున్నానని,
నీ కెలా చెప్పను??


కానరాని నీ కోసం ఎక్కడని వెతుకను??
ఎవ్వరిని అడుగను??


నా మది లో నిండిన రూపానివి నీవని..
నా ఎదలో విరిసిన ఊహాకుసుమం నీవని..
నీకెలా తెలుపను??