ప్రేమ

యువకుల ప్రేమ :-

వయ్యారి గోదారి - చూసాను నిన్నే తొలిసారి

వచ్చాను నీ దరిచేరి - తలచాను నీ పేరుకోరి

పిలిచాను నీ మనసుకోరి - పలుకవే ఒక్కసారి

నా మనసులో ఏరై పారి - కదిలించవే నన్ను ప్రతిసారి !

నువ్వే నా రాజకుమారి - కాదనకే ఓ నారి

కలలు కన్నాను నీపై భారి - వమ్ము చేయకే నోరుజారి

నీ పిలుపే ప్రేమగా మారి - చూపవే నాకు దారి

విన్నవిస్తున్నా తొలిసారి - అర్థంచేసుకో నన్నొకసారి !

నీ మాటలే తేనెలా కారి - పులకించవే ఓ చిన్నారి

ప్రవర్తించలేదు హద్ధు మీరి - అందుకే నీపై ఇంత గురి

అడుగుతున్నాను కడసారి - కాదంటే చూస్తాను వేరే దారి

కడలిపై కడతాను నీకో గోరి - పూజిస్తానొక హంతకుడిగా మారి !

నా ఊహల్లో నువ్వే ప్యారి - ఇదంతా తప్పుగా భావిస్తే అయాం సారీ !!

యువతుల ప్రేమ :-

అందాల ఓ మగధీరా... చదివానులే నీ కవిత మనసారా

వ్రాస్తున్నాను ఈ కవిత ప్రేమారా -

అయినా కలగక మానలేదు సందేహమేరా

ఎంతగా చూశావో కళ్ళారా - అంతగా పొగిడావు మనసారా

నువ్వే నా రాజకుమారా - గెలుపొంది నన్నేలుకోరా

తీగలా వచ్చి నన్నల్లుకోరా -ముద్దుగా మురిపించి పలికించుకోరా !

విన్నవిస్తాను పెద్దలకు ప్రేమారా -ఒప్పుకుంటే మన ప్రేమకు జయములేరా !

వాళ్ళు అంటే పెళ్ళికి ససేమిరా -అప్పుడు దాటివెళదాము పొలిమేరా !!