పిలిచింది జీవితం
సంకల్ప శక్తితో వెన్నుతట్టేలా!
దూరమైనా భారమైనా
మనసు కడిగి,
మమత వొడికి పయనించేలా!
పిలిచింది జీవితం-
జగతిని వెలిగించేలా!!
ఎటుపడితే అటు పలికే
నాలుక కాదు-
ఎటు వెళితే ధ్రువదీపమై సాగునో
అటు ఎగిసే సాధన సాగాలంటూ!
పిలిచింది జీవితం-
తెలిమంచులోని చల్లదనంలా!!
జయించాలనే కోరిక
ఎక్కడ ఊపిరి పోసుకుంటుందో
ఆ లక్ష్యం కోసం పరుగిడమంటూ!
పిలిచింది జీవితం-
కన్నీటి చుక్కలోని ఆర్తిలా!!
కాలం కోసం ఎదురుచూస్తూ
కూర్చుంటే
నవ్వుతుంది జీవితం-
దారితప్పిన బాటసారిని చూసి వచ్చినవేళ ముగిసిందంటూ!!
కామెంట్‌లు లేవు:
కామెంట్‌ను పోస్ట్ చేయండి